Qızıl Xaçın maşınları Laçın yolundan keçdi

Dekabrın 24-də - Laçın-Xankəndi yolunda təşkil olunan dinc aksiyanın 13-cü günündə mülki avtomobillərin hərəkət etməsinə növbəti dəfə şərait yaradılıb.
 
Beynəlxalq Qızıl Xaç Komitəsinin (BQXK) daha 3 avtomobili Xankəndidən Laçın istiqamətində maneəsiz şəkildə hərəkət edib.
 
Ermənistan tərəfi isə əvvəlki kimi saxta xəbərlər yayaraq azərbaycanlıların Laçın yolunu bağladıqlarını və avtomobillərin buraxılmadığını bildirirlər.
 
Azərbaycanlı ekofəallar sözügedən ərazidə dekabrın 12-dən Qarabağda faydalı qazıntı yataqlarının qanunsuz istismarına qarşı aksiya keçirirlər.

www.anews.az