Sənaye zonalarının rezidentləri 2022-ci ildə ixracı 10% artırıb
11.01.2023 20:28
2022-ci ildə Azərbaycanda sənaye parkları və sənaye məhəllələrində rezident statusuna malik olan sahibkarlar tərəfindən 2,9 milyard manatlıq məhsul satılıb ki, bunun da 1 milyard manatı ixrac edilib. Bunu Azərbaycanın iqtisadiyyat naziri Mikayıl Cabbarov deyib.
"2022-ci ildə Azərbaycanda sənaye parkları və sənaye məhəllələrinin üzvü olan şirkətlər 2,9 milyard manatlıq məhsul satb. Bunun da 1 milyard manatı (588,2 milyon dollar) ixraca yönəldilib", - Cabbarov Facebook səhifəsində yazıb.
Nazir qeyd edib ki, 2021-ci illə müqayisədə məhsul satışı 20,6 faiz, ixrac isə 10,1 faiz artıb.
O, hazırda sənaye zonalarında 116 sahibkarlıq subyektinin rezident statusuna malik olduğunu, onlardan 65-dən çoxunun əməli fəaliyyətə başladığını vurğulayıb.
"Hazırda sənaye zonalarında 10,4 min iş yeri açılıb. Mövcud layihələrə əsasən, 460 milyon manat məbləğində əlavə investisiyalar gözlənilir ki, bu da daha 4,2 min yeni iş yerinin açılmasına imkan verəcək”, - Cabbarov bildirib.
N.Təbrizli
www.anews.az
Foto 
Video 
