Azərbaycanın dövlət büdcəsi profisitlə icra olunub
20.02.2023 21:28
2023-cü ilin yanvarında Azərbaycanın dövlət büdcəsinin profisiti əməliyyat məlumatlarına əsasən 2 milyard 548,6 milyon manat və ya hesabat dövründə ÜDM-in 26,3 faizini qədər təşkil edib. Bu barədə Dövlət Statistika Komitəsi xəbər verib.
Maliyyə Nazirliyinin son məlumatına görə, dövlət büdcəsinin gəlirləri 4 milyard 6,5 milyon manat (2022-ci ilin yanvar ayı ilə müqayisədə 45,9 faiz çox), xərcləri isə 1 milyard 457,9 milyon manat (+ 48,3 faiz) olub.
Yanvarda Azərbaycanda ÜDM-in nominal həcmi 9 milyard 690,2 milyon manat təşkil edib.
2023-cü il dövlət büdcəsinin gəlirləri üzrə proqnoz 30 milyard 773,978 milyon manat, xərcləri 33 milyard 353,278 milyon manat təşkil edir.
2023-cü il dövlət büdcəsinin kəsiri 2 milyard 579,3 milyon manat və ya ÜDM-in 2,4 faizi səviyyəsində proqnozlaşdırılır.
N.Təbrizli
www.anews.az
Son xəbərlər 
Daha çox
Foto 
Video 
