Bu ilin iki ayında ixrac olunan qazın həcmi açıqlanıb
16.03.2023 12:42
2023-cü ilin yanvar-fevralında Azərbaycanda hasil edilmiş 5,1 milyon ton neftin 4,1 milyon tonu ixraca nəql edilib, bunu energetika naziri Pərviz Şahbazov tvitter hesabında yazıb.
O bildirib ki, bu dövrdə 4 % artımla hasil edilmiş 8 milyard kubmetr qazın 4,3 milyard kubmetri ixrac olunub.
2023-cü ilin yanvarında Azərbaycanda neft hasilatı 2,7 milyon ton, qaz hasilatı isə 4,2 milyard kubmetr təşkil edib. Azərbaycan Dövlət Neft şirkəti tərəfindən ötən ay 0,7 milyon ton neft, 0,8 milyard kubmetr qaz hasil edilib.
Cənub Qaz Dəhlizinin bir hissəsi olan TAP qaz kəməri "Mərhələ-2” layihəsi çərçivəsində "Şahdəniz” yatağından ildə 10 milyard kubmetr qazın nəqli üçün nəzərdə tutulub. Qaz kəmərinin ötürmə qabiliyyəti onun ötürücülüyünü ildə 20 milyard kubmetrə çatdırmağa imkan verir.
TAP AG 2026-cı ildən etibarən qaz kəmərinin ildə 1,2 milyard kubmetr qazla genişləndirilməsinin birinci mərhələsini həyata keçirəcək.
TAP AG 2026-cı ildən etibarən qaz kəmərinin ildə 1,2 milyard kubmetr qazla genişləndirilməsinin birinci mərhələsini həyata keçirəcək.
Hazırda Azərbaycandan Bakı-Tbilisi-Ceyhan boru kəməri ilə "Azəri-Çıraq-Günəşli" yataqlar blokundan hasil edilən neft və "Şahdəniz" yatağından hasil edilən kondensat nəql olunur. Bundan əlavə, boru kəməri ilə Türkmənistan və Qazaxıstandan neft nəql edilir.
Azərbaycan 2023-cü ildə Avropaya təxminən 12 milyard kubmetr qaz ixrac etməyi planlaşdırır.
Aytac Zeynalova
www.anews.az
Son xəbərlər 
Daha çox
Foto 
Video 
