CNBC: Türkiyə müdafiə ixracı gəlirlərini 42% artırdı

Türkiyə yalnız 2020-ci ildən 2021-ci ilə qədər müdafiə təyinatlı məhsulların digər dövlətlərə ixracından əldə etdiyi gəliri 42% artırıb. Bu barədə Ankaranın hərbi-sənaye kompleksini inkişaf etdirmək və qlobal təsirini artırmaqla bağlı genişmiqyaslı planlarını şərh edən CNBC telekanalı xəbər verir.


Türkiyə hərbi sənayesinin ən məşhur seqmentlərindən biri pilotsuz uçuş aparatlarının istehsalıdır. İHA Bayraktar TB-2 Ukraynada istifadə olunduqdan sonra dünya şöhrəti qazandı. Türkiyə bu dronu hər cür reklam edərək, digər dövlətlərdən ona olan marağın artmasına töhfə verir.

Amma pilotsuz təyyarələr Türkiyə hərbi sənayesinin yeganə məhsulları deyil. Hərbi sənayedə fəaliyyət göstərən türk şirkətlərinin bağladığı beynəlxalq sövdələşmələrin sayı son illərdə kəskin şəkildə artıb. Türkiyə 2022-ci ildə 4,4 milyard dollar müdafiə ixracı əldə edib ki, bu da bəzi Avropa dövlətlərinin illik hərbi büdcəsindən çoxdur.


Xaricə silah satışı Türkiyəni beynəlxalq siyasi səhnədə getdikcə nüfuzlu oyunçuya çevirir. Ankara Qazaxıstan, Qırğızıstan, Türkmənistan və Azərbaycan kimi ölkələrə "Türk əməkdaşlığı” kartını oynamaqla təsirini artırır. Amma digər ölkələrlə, o cümlədən təkcə Tunis və ya Səudiyyə Ərəbistanı ilə deyil, Polşa ilə də əlaqələr qurulur.


www.anews.az