Azərbaycan bankları hərracda 31,8 milyon dollar satın alıblar

Azərbaycan Mərkəzi Bankı cümə axşamı valyuta hərracında banklara 31,8 mln. ABŞ dollar satıb. Bu barədə Azərbaycan Mərkəzi Bankı məlumat verib. 
 
Bu məbləğ əvvəlki hərrac zamanı 26,4 milyon olub.

 

"Cümə axşamı hərracda tələb 31,8 mln. ABŞ dolları təşkil edib və tam təmin edilmişdir. Hərracda manatın ortaçəkili məzənnəsi 1,7000 səviyyəsində formalaşıb",- mərkəzdən bildirilib.

 

12 yanvar 2017-ci il tarixindən etibarən AMB valyuta hərraclarının yeni mexanizminin tətbiqinə başlayıb.

Hərraclar rəqabətli şəraitdə valyutanın birtərəfli satışı formasında keçirilir.

2022-ci ildə ARDNF hərraclarda 4 milyard 681,8 milyon ABŞ dolları məbləğində  xarici valyuta satıb.
 
Aytac Zeynalova