Azərbaycanda ətin qiyməti bahalaşacaqmı? - AÇIQLAMA

2023-cü ilin yanvar-martında ötənilin ynidövrü ilə müqayisədə Azərbaycana ət idxalı 9.162 tondan 11367 tona kimi artıb.   

Komitənin yaydığı məlumata görə, bu ilin ilk 2 ayında  19 milyon 259 min dollar dəyərində ət idxal edilib. 

"Öncə onu deyim ki, ölkəyə yalnız ət idxalı artmayıb, həm də ölkəyə kəsim üçün gətirilən diri heyvanların miqdarı artıb. Son bir-neçə ildə örüş əraziləri 400 min hektar və ya 25% azalıb.  Ot istehsalı 100 min ton, taxılın istehsalı isə 380 min ton azalıb. Belə olan halda ətin istehsalı arta bilməz. Əgər yem artırsa, o zaman ət istehsalı arta bilər. Yem istehsalı azalıbsa, mütləq ki, ət istehsalı aşağı düşəcək. Ölkəyə xaricdən ət idxalnın artmasının birbaşa səbəbi ölkədə ət istehsalının aşağı düşməsidir. Yəni əhalinin ətə tələbatı artmayıb, əksinə olaraq azalıb. Çünki digər xidmətlərin qiyməti artıb. Əgər ölkədə də bütün məhsulların qiyməti artıbsa, deməli alıcılıq qabiliyyəti aşağı düşür. Bununla da əhali əvvəlki kimi pul xərcləyə bilmir. Buna görə də alıcılıq qabiliyyəti aşağı düşdüyünə görə, ölkədə də ətin bahalaşacağı gözlənilmir. Yəni insanların əvvəlki kimi ətə tələbatı olmayacaq”, - deyə Məhərrəmli bildirib.

 
İqtisadçı-ekspert Akif Nəsirlinin sözlərinə görə, bütün qiymətlərin bahalaşdığı bir vaxtda, ətin qiymətinin sabit qalması mümkün deyil.
 
"Ölkədə bütün məhsulların qiymətinin qalxması ətin qiymətinə birbaşa təsir edir. Bu bahalaşmanın  əsas səbəblərindən biri böyük şəhərlərdə olan bazarlarda monopoliyanın mövcud olmasıdır. Yəni sahibkarların bazara çıxış imkanları kəsilib və bazarlar inhisara alınıb. Yalnız bəlli adamlar üçün bazarlar açıqdır. Ona görə də Beyləqanda ətin qiyməti 14 manatdırsa, Bakıda 18 manat təşkil edir. Bu çox böyük bir fərqdir. Əgər sahibkarın üzünə Bakıda ət bazarları açıq olsa idi qiymətdə bu qədər fərq ola bilməzdi. Xaricdən gətirilən idxal ətinin bazarlara çox az təsiri var. Çünki insanlar əksər hallar da yerli ət məhsulları alırlar. İdxal ətinin isə böyük əksəriyyəti daha çox hökumət müəssissələrində -əsgərlər, həbsxanadakı dustaqlar və daha geniş tərkibi olan müəsissələrdə istifadə olunur”, - deyə Akif Nəsirli bildirib.

 Ötən ilin 3 ayında Azərbaycana 15 milyon 675 min dollar dəyərində 9 162 ton ət idxal edilib. Bu, həcm baxımından 2022-ci ilin eyni dövrü ilə müqayisədə 2 min 206 ton (24 % ), dəyər baxımından isə 3 milyon 585 min ABŞ dolları (22,8 %) çoxdur.