2023-cü ildə Rusiyadan Aİ-yə qaz nəqli 35 milyard kubmetr azalacaq - BEA

2023-cü ildə Rusiyadan Avropaya boru kəməri qazının ixracı 2022-ci ilə nisbətən 35 milyard kubmetr azaldıla bilər, eyni zamanda tədarük eyni səviyyədə saxlanıla bilər. Bu barədə Beynəlxalq Enerji Agentliyinin (IEA) saytında dərc olunmuş hesabatda bildirilir.

Hesabata görə, Rusiyadan İqtisadi Əməkdaşlıq və İnkişaf Təşkilatının (OECD; Serbiya, Xorvatiya, Bosniya, Makedoniya, Bolqarıstan və Rumıniya daxil deyil) Avropa ölkələrinə qaz tədarükü bu il ötən ilə müqayisədə 45% azalacaq.

Eyni zamanda, fevralda dərc edilən əvvəlki icmalda Rusiyadan Avropaya qaz nəqlinin 40%, yəni 30 milyard kubmetr azalacağı proqnozlaşdırılıb. Belə çıxır ki, yeni proqnoz Rusiya tərəfdən tədarükün həcminin azaldılması istiqamətində verilib.

Mayın əvvəlində Reuters agentliyi Refinitiv Eikon portalının məlumatlarına istinadən xəbər verir ki, Rusiya 2023-cü ilin yanvar-aprelində 10,5 milyon ton mayeləşdirilmiş təbii qaz (LNG) ixrac edib. Bu, 2022-ci ilin yanvar-apreli ilə müqayisədə 11% azdır. Eyni zamanda, Avropaya LNG tədarükünün həcmi əvvəlki ilin səviyyəsində qalıb.


www.anews.az