BTC ilə 2 milyon ton Türkmənistan və Qazaxıstan nefti nəql olunub

Bu ilin yanvar-may aylarında magistral neft kəmərləri ilə 16 milyon 261,3 min ton neft nəql edilib.

Açıqlanan rəsmi məlumatlara görə,nəqletmənin 76,5 faizi Bakı-Tbilisi-Ceyhan neft ixrac kəməri ilə həyata keçirilib və cari ilin yanvar-may ayları ərzində bu kəmər vasitəsilə 12 milyon 434,6 min ton neft ötürülüb. Dövr ərzində BTC kəməri ilə nəql edilən neftin 84,3 faizini və ya 10 milyon 486,1 min tonunu Azərbaycanda hasil edilən neft, 15,7 faizini və ya 1 milyon 948,5 min tonunu isə Türkmənistan və Qazaxıstandan daxil olan neft təşkil edib.