Ali məktəblərdə boş plan yerinin sayı 3 mini ötüb

Dövlət İmtahan Mərkəzi (DİM) tərəfindən  2022-2023-cü tədris ili üçün keçirilən qəbul imtahanından sonra  3349 plan yeri  boş qalıb. Bu barədə Dövlət İmtahan Mərkəzi  məlumat verib. 

 

"Azərbaycanda hər il 6-7 min plan yeri ali məktəblərdə boş qalır və universitetlər üçün ciddi maliyyə itkisinə səbəb olur”, - Kamran Əsədov öz sosial şəbəkə hesabında bildirib.

Təhsil üzrə ekspert  Elmin Nurinin fikrincə, əmək bazarında təlabat olan ixtisaslara boş plan yeri qalmır. Plan yeri boş qalan ixtisaslar xüsusən regionlarda fəaliyyət göstərən universitetlərin nəznindəki  bəzi ixtisaslardır.Buna səbəb isə  abituriyentlər arasında həmin ixtisaslara marağın olmamasıdır.

"Hazırda  əmək bazarına nəzər salsaq müşahidə etmiş oluruq ki, boş qalan plan yerlərinə təlabat  abituriyentlərin maraq göstərdiyi ixtisaslara olan təlabatdan daha çoxdur. Odur ki, boş qalan ixtisaslarla bağlı abituriyentlər  arasında xüsusi maarifləndirmə işləri aparılmalıdır”,- Nuriyev bildirib.

2022-23-cü tədris ili üçün keçirilən imtahanlardan sonra şərabçılıq, balıqcılıq, baytarlıq , ekomühəndislik kimi ixtisaslar üzrə boş plan yerləri qalıb.