Putin və Əliyev Qarabağdan çıxan sülhməramlıların missiyasının başa çatmasını müzakirə edəcək
22.04.2024 09:33
Rusiya prezidenti Vladimir Putin və Azərbaycan Prezidenti İlham Əliyevin bu gün keçirilən görüşü Qarabağdakı sülhməramlı missiyasının başa çatması fonunda baş tutacaq. Bu barədə Rusiya mətbuatı məlumat verib.
Kremlin də yaydığı məlumata görə, Rusiya-Azərbaycan strateji tərəfdaşlıq və müttəfiqlik münasibətlərinin gələcək inkişafının əsas məsələlərinin nəzərdən keçirilməsi, həmçinin cari regional problemlər üzrə hərtərəfli fikir mübadiləsinin aparılması planlaşdırılır.
Rusiya Prezidentinin yenidən prezident seçilməsindən sonra ilk görüşü İlham Əliyevlə baş tutacaq.
Sonuncu dəfə Əliyev 2023-cü ilin oktyabrında MBD-nin Bişkek sammitində Putinlə görüşüb.
Aprelin 17-də Azərbaycan və Rusiya rəhbərliyi arasında Qarabağda müvəqqəti yerləşdirilən Rusiya sülhmərmalılarının vaxtından əvvəl bölgədən çıxarılması barəsində qərar qəbul olunub.
Azərbaycan Prezidentinin köməkçisi Hikmət Hacıyev Azərtaca verdiyi açıqlamasında bildirib ki, artıq sülhməramlıların çıxarılması prosesinə başlanılıb və hər iki ölkənin Müdafiə Nazirləri bu istiqamətdə müvafiq tədbirlər görür.
Rusiya Prezidentinin mətbuat xidmətinin rəhbəri Dmitri Peskov da Rusiya sülhməramlılarının Qarabağdan çıxarılması barədə bəyanat verib.
Rusiya sülhməramlıları Azərbaycan ərazisində 2020-ci ilin noyabrında beş il müddətinə yerləşdirilib.
Azərbaycan Prezidentinin köməkçisi Hikmət Hacıyev Azərtaca verdiyi açıqlamasında bildirib ki, artıq sülhməramlıların çıxarılması prosesinə başlanılıb və hər iki ölkənin Müdafiə Nazirləri bu istiqamətdə müvafiq tədbirlər görür.
Rusiya Prezidentinin mətbuat xidmətinin rəhbəri Dmitri Peskov da Rusiya sülhməramlılarının Qarabağdan çıxarılması barədə bəyanat verib.
Rusiya sülhməramlıları Azərbaycan ərazisində 2020-ci ilin noyabrında beş il müddətinə yerləşdirilib.
Gülnar Nazimqızı
www.anews.az
Foto 
Video 
