Pirat proqram təminatının istifadəsi kiber hücumlara səbəb olur - İdarə rəisi

"Başqa bir problem lisenziyasız proqram təminatlarının yaratdığı informasiya təhlükəsizliyi məsələsidir. Bu məsələ ötən iclasda da qaldırılıb. Bu məsələnin əhəmiyyətliliyi ondan ibarətdir ki, pirat proqram təminatının istifadəsi çoxsaylı məlumatların əldə olunub, satılmasına gətirib çıxarır. Dövlət qurumlarına pirat proqramlarından istifadənin qarşısının alınması üçün nəzarətin gücləndirilməsi ilə bağlı tövsiyyə məktubları göndərilib", - Məmmədov iyunun 6- da Xüsusi Rabitə və İnformasiya Təhlükəsizliyi Dövlət Xidmətinin "IV Zirvə Toplantısı"-da çıxışı zamanı qeyd edib. 

O bildirib ki, 2023-cü ilin TOP20  Pirat proqram təminatından istifadə edən ölkələrinə baxanda yaxın qonşu dövlətlərin TOP 12- də yerləşdiyini görə bilərik. 

"Bunlara misal Rusiya, İran, Türkiyəni göstərə bilərik. Bu da bizim istifadə etdiyimiz dillərə yaxın dillərdə pirat proqram təminatının geniş yayılmasının göstəricisi olaraq qarşımıza çıxır. Türkiyə timsalında görə bilirik ki, pirat proqramları vasitəsilə oğurlanmış məlumatlar daha çox maliyyə istiqamətinə yönəlikdir. Maliyyə sahəsindəki kiber dələduzluq halı Türkiyədə də geniş yayılan haldır. Rusiya istiqamətində biz baxanda burada daha çox məlumatların oğurlanıb ,qara bazarda satılmasını müşahidə edirik. İranın timsalında isə bu məlumatların oğurlanıb, hər hansı formada istifadəsinin şahidi oluruq. Orada daha hədəfli kiber hücumları müşahidə edirik", - idarə rəisi əlavə edib.