İslam dini qohum evliliklərinin qadağasına qarşıdırmı? - Açıqlama

"Sağlamlıq əsasdır. Din fiziki və psixoloji durumu nəzərə alaraq tibb və elmin tərəfindədir. Xristian ölkələrində yaxın qohumlar(xala qızı, bibi qızı, dayı qızı) bacı-qardaş statusundadır. Onlarda bu adət olmadığına görə qanun kimi qəbuluna da ehtiyac qalmır. Amma İslamda bəziləri bu icazələri Allahın əmri kimi başa düşür. Dövrün şərtlərinə görə islamın qaydaları dəyişə bilir. 8-ci əsrdə 14 yaşında şəxs ailə qururdusa, bu gün bu anormal haldır”,  - İsmayılov iyunun 11-də Milli Məclisin Ailə,Qadın və Uşaq komitəsinin iclasında  Ailə Məcəlləsində, Azərbaycan Respublikasının  Cinayət   Məcəlləsində  və Azərbaycan Respublikasının İnzibati Xətalar Məcəlləsində dəyişiklik edilməsi haqqında Azərbaycan Respublikası qanununun layihəsinə münasibət bildirərkən deyib. 

Komitə rəsmisi vurğulayıb ki, rəsmi nikah olmadan kəbin kəsən din xahimləri rəsmi təyinat almayan şəxslərdir və bu cür hallar qəbuledilməzdir. 

İsmayılov bildirib ki, hazırda Dövlət Komitəsinin axundlarının sayı mindən çox deyil.