İlon Mask yenidən trilyonçu statusunu itirib

Amerikalı sahibkar İlon Maskın sərvəti “SpaceX” şirkətinin səhmlərinin ucuzlaşması nəticəsində 1 trilyon dollardan aşağı düşüb.Bu barədə “Forbes” nəşri məlumat yayıb.

Məlumata görə, “SpaceX”in səhmlərinin 3%-dən çox ucuzlaşması Maskın sərvətini 26,3 milyard dollar azaldaraq 982,9 milyard dollara endirib. Bu, sahibkarın trilyonçu statusunu bərpa etməsindən cəmi dörd gün sonra baş verib.

“Forbes”in məlumatına görə, Mask ilk dəfə iyunun ortalarında “SpaceX”in ilkin kütləvi səhm təklifindən (IPO) sonra trilyonçu olub. Həmin vaxt onun sərvəti 1,1 trilyon dollar qiymətləndirilib.

Lakin iki həftə sonra sərvəti yenidən 1 trilyon dollardan aşağı düşüb.

Mask iyunun 29-da ikinci dəfə trilyonçu statusunu qazansa da, iyulun 1-də bu mövqeyini itirib. O, sonuncu dəfə oktyabrın 9-da trilyonçu statusuna yüksəlib.