SOCAR Star zavodu Türkiyədə üçüncü olub
25.06.2024 17:52
Azərbaycan Dövlət Neft Şirkətinin (SOCAR) Türkiyədə fəaliyyət göstərən STAR neft emalı zavodu İstanbul Sənaye Palatasının (İSO) açıqladığı reytinq cədvəlində Türkiyənin TOP 3 ən böyük müəssisəsindən biri adını qazanıb. Bu barədə "Anadolu” xəbər verib.
İSO-nun hazırladığı "2023-cü ildə Türkiyənin 500 ən böyük sənaye müəssisəsi” araşdırmasına görə, 2023-cü ilin sonunda Türkiyənin ən böyük sənaye müəssisəsi adına Turkiye Petrol Rafinerileri AS (TUPRAS) neft emalı zavodu layiq görülüb. Bu müəssisə keçən il 484,2 milyard lirə (14,7 milyard dollar) dəyərində məhsul istehsal edib", - xəbərdə deyilir.
2022-ci ildə üçüncü olan Ford Automotive şirkəti isə keçən 238 milyard lirə (7,220 milyard dollar) dəyərində məhsul satışı ilə ikinci yerə yüksəlib.
2022-ci ildə ikinci olan Star Rafineri isə keçən il 226,8 milyard lirə (6,88 milyard dollar) məhsul satışı ilə üçüncü olub.
TOP 10-a həmçinin İstanbul Neft Emalı Zavodu, Toyota Automotive, Oyak-Renault, Arçelik, Mercedes-Benz Türk A.Ş., Gram Kıymetli Madenler A.S., Ereğli Dəmir və Çelik Fabrikaları TAŞ daxildir.
STAR neft emalı zavodu 2018-ci il oktyabrın 19-da istifadəyə verilib və Azeri Light, Kerkük və Urals kimi neft növlərinin emalı üçün nəzərdə tutulub. Zavodun gücü 13 milyon tondur.
Neft emalı zavodu "Petkim” neft-kimya kompleksini xammalla təmin edir və SOCAR-ın özünün dizel yanacağı və təyyarə yanacağı, eləcə də kimya sənayesi üçün xammalla Aralıq dənizi bazarına çıxmasına şərait yaradır.
SOCAR STAR neft emalı zavodunun tikintisinə və inkişafına 7 milyard dollara yaxın sərmayə qoyub.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
