Putin Gürcüstan üçün vizasız rejimi genişləndirib
10.10.2024 17:00
Rusiya prezidenti Vladimir Putin Gürcüstan vətəndaşları üçün vizasız rejimin genişləndirilməsi haqqında fərman imzalayıb. Sənəd rəsmi hüquqi informasiya portalında dərc olunub.
Fərman Rusiyaya iş məqsədi ilə və ya 90 gündən çox müddətə gələn vətəndaşların kateqoriyalarına şamil ediləcək.
Putin 2023-cü il mayın 10-da Gürcüstan vətəndaşları üçün 2000-ci ildən qüvvədə olan viza rejimini ləğv edib.
Eyni zamanda o, 2019-cu ildə Rusiya təyyarələrinin Gürcüstana uçuşlarına və bu ölkəyə turist turlarının satışına qoyulmuş qadağanı aradan qaldırıb.
Sonra Gürcüstan prezidenti Salome Zurabişvili Rusiyanın viza rejimini ləğv etməsini "daha bir təxribat” adlandırıb.
O, Rusiyanın "ərazimizi işğal etdiyi” və Ukraynada "hərbi xüsusi əməliyyat” keçirdiyi bir vaxtda Rusiya Gürcüstana birbaşa uçuşların bərpasının və viza məhdudiyyətlərinin aradan qaldırılmasının "qəbuledilməz” olduğunu bildirib.
Aytac
www.anews.az
Oxşar xəbərlər
Oxşar xəbərlər
Foto 
Video 
