Qəzza 70 il öncəki vəziyyətə qayıdıb - BMT rəsmisi

İsrailin hücumu nəticəsində Qəzza zolağı inkişaf baxımından təxminən 70 il geriyə qayıdıb. Bu, beynəlxalq ekspertlərin və Birləşmiş Millətlər Təşkilatının İnkişaf Proqramının (UNDP) və Birləşmiş Millətlər Təşkilatının Qərbi Asiya üçün İqtisadi və Sosial Komissiyasının (ESCWA) "Qəzza müharibəsi: dövlət üçün gözlənilən sosial-iqtisadi nəticələr” adlı hesabatının müəlliflərinin gəldiyi nəticələrdir.

BMT İnkişaf Proqramının Fələstin Əhalisinə Yardım Proqramının xüsusi nümayəndəsinin müavini Çitose Noquçi Cenevrədə keçirdiyi brifinqdə deyib ki,  Qəzza 70 il əvvəl, 1955-ci ildə olduğu inkişaf səviyyəsinə qayıdıb.

Anadolu-nun dərc etdiyi hesabata görə, son bir ildə  Qəzzada hər dörd nəfərdən üçü yoxsulluq içində yaşayır.

Qeyd olunur ki, 2023-cü il oktyabrın 7-dən başlayaraq Qəzzada yaxın tarixin ən böyük humanitar fəlakətlərindən biri baş verir. Mövcud vəziyyət misli görünməmiş sayda insan tələfatı, dağıntılar, ərzaq çatışmazlığı və kütləvi köçkünlərlə nəticələnib.

İsrailin Qəzza zolağında yardım paylanmasına sərt məhdudiyyətlər qoyması böhranı daha da pisləşdirib.


www.anews.az