Azərbaycana xaricdən uçuşların sayı 20 %-ə yaxın artıb
07.11.2024 14:46
Bu ilin yanvar-oktyabr aylarında Azərbaycana 41 ölkədən 22 446 aviareys təşkil olunub, bu, 2023-cü ilin eyni dövrü ilə müqayisədə 7 ölkə (20,5 %) və 3 651 aviareys (19,4 %) çoxdur. Bu barədə Dövlət Turizm Agentliyinin hesabatıbda bildirilib.
Hesabat dövründə Azərbaycana ən çox Rusiyadan uçuş həyata keçirilib - 6 614 reys. Bu da 1 il əvvələ nisbətən 13,7 % çoxdur.
Rusiyadan sonra ən çox Azərbaycana Türkiyədən aviareys təşkil olunub. Bu ölkədən 4 917 uçuş olub ki, bu da illik müqayisədə 3,2 % çoxdur. İlk üçlüyə Birləşmiş Ərəb Əmirlikləri 2 629 reyslə (+35,5 %) daxil olub.
TOP-10-luğa həmçinin Gürcüstan 1 687 reyslə (+ 27,1 %), Qazaxıstan 730 (+ 7,6 %), Səudiyyə Ərəbistanı 697 (- 11,4 %) , Hindistan 554 (+4 dəfə), Qətər 489 (+ 58,7 %), Özbəkistan 359 (- 29,6 %) və Küveyt 353 reyslə (+ 14,2 %) daxildir.
İndiyə qədər ilk 10-luqda olan İsrail (334 aviareys, +14,7 %) 11-ci yerə düşüb, onun yerinə siyahıya Hindistan daxil olub.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
