Kim Çen Inın raketləri xeyli dəqiq həmlələr yetirmək halına gətirilib
06.02.2025 15:26
Şimali Koreyanın ballistik raketləri, Rusiya qoşunlarının dekabrın sonundan etibarən Ukraynaya qarşı istifadə etməyə başladığı silahlar, əvvəlki dövrlərdə tətbiq edilən raketlərlə müqayisədə xeyli daha yüksək dəqiqlik nümayiş etdirir. Bu barədə Reuters agentliyinə iki yüksək rütbəli Ukrayna rəsmisi məlumat verib.
Mənbələrin sözlərinə görə, Şimali Koreya raketlərinin hədəfə vurma dəqiqliyi 50-100 metrə qədər yaxşılaşıb. Bu isə Pxenyanın döyüş meydanını raket texnologiyalarını test etmək və təkmilləşdirmək üçün istifadə etdiyinə işarə edə bilər.
Baxmayaraq ki, Qərb kəşfiyyat agentlikləri və liderləri Rusiya və Şimali Koreya arasında "daha sıx hərbi əməkdaşlıq” barədə xəbərdarlıq edirlər, Moskva və Pxenyan silah tədarükü ilə bağlı hər hansı razılaşmanı inkar edirlər.
Rusiya 2023-cü ilin sonundan etibarən Şimali Koreyanın qısa mənzilli K-23, K-23A və K-24 raketlərindən istifadə etməyə başlayıb və Kiyevin məlumatına görə, o vaxtdan bəri təxminən 100 belə raket atıb. Bundan başqa, Ukrayna hakimiyyəti Şimali Koreyanın Rusiyaya milyonlarla artilleriya mərmisi və hətta hərbi personal göndərdiyini iddia edir.
N.Təbrizli
www.anews.az
Oxşar xəbərlər
Oxşar xəbərlər
Siyasət
12:16
Əsas kapitala ayrılan investisiyaların 10 milyard manata yaxını regionaların payına düşür - deputat
Siyasət
21:15
Prezidentin sosial şəbəkə hesablarında Edqars Rinkeviçslə görüşü ilə bağlı paylaşım edilib - Video
Foto 
Video 
