Xaçmazda avtomobil ağaca çırpılıb, ölən və yaralanan var

Xaçmazda ölümlə nəticələnən yol qəzası baş verib.

“Report”un məlumatına görə, hadisə Xudat - Qusar avtomobil yolunun Xaçmaz rayonunun Köhnə Xudat kəndi yaxınlığından keçən hissəsində qeydə alınıb.

“Mercedes” markalı minik avtomobili hərəkətdə olan zaman yoldan çıxaraq ağaca çırpılıb.

Nəticədə sürücü, Xudat şəhər sakini Murad Məlikməmmədov hadisə yerində ölüb. Həmin avtomobildə olan sərnişin, Qusar rayon sakini Gülnar Hüseynova isə müxtəlif dərəcəli bədən xəsarətləri ilə xəstəxanaya çatdırılıb.

Hadisə ilə bağlı araşdırma aparılır.