Türkiyədə 27 min azərbaycanlı təhsil alır

Türkiyədə 136 min əcnəbi tələbə təhsil alır, onların da 27 min nəfəri azərbaycanlıdır.  Bu barədə Türkiyə Maarif Vəqfinin Azərbaycan üzrə təmsilçisi Serdar Gündoğan Bakıda keçirilən “Stratcom Public Forum”unun panel müzakirəsində bildirib.

O bildirib ki, təqaüd sistemindən faydalanan tələbələrin sayı isə 20 min nəfərdir. 

“Türkiyə Maarif Vəqfi olaraq təşkilatımızın 56 ölkədə rəsmi nümayəndəliyi fəaliyyət göstərməkdədir. Vəqfimiz fəaliyyət göstərdiyi ölkələrdə 70 min nəfər gənci təqaüdlə təmin edir”, - o  bildirib.

Daha əvvəl Türkiyənin Azərbaycandakı səfirliyinin baş ticarət müşaviri Yakub Sefer vurğulayıb ki,  Azərbaycandan Türkiyədə müxtəlif səviyyədə ali təhsil alanların sayı 40 minə yaxındır.

O bildirib ki, bura həm bakalavr, həm magistr, həm də doktorantura səviyyəsində təhsil alanlar daxildir.

Türkiyədən isə Azərbaycanda təhsil alan tələbələrin sayı 5 mindən çoxdur.

Aytac