İran parlamenti AEBA ilə əməkdaşlığın dayandırılmasını təsdiqləyib

İran İslami Şura Məclisinin (birpalatalı parlament) müvafiq komitəsi Atom Enerjisi üzrə Beynəlxalq Agentliklə (AEBA) əməkdaşlığın dayandırılmasını nəzərdə tutan planı təsdiqləyib.Bu barədə “Tasnim” agentliyi məlumat yayıb.

Komitənin sözçüsü İbrahim Rezainin sözlərinə görə, AEBA ilə əməkdaşlığı dayandırmaq planı üzvlər tərəfindən təsdiqlənib.

Sözçü, həmçinin bildirib ki, AEBA ilə əməkdaşlığa nüvə obyektlərində müşahidə kameralarının quraşdırılması, yoxlamaların aparılması, müfəttişlərin daxil olmasına icazə verilməsi və agentliyə hesabatların təqdim edilməsi daxildir. Əməkdaşlığın dayandırılması nüvə mərkəzlərinin tam təhlükəsizliyi təmin olunana qədər davam edəcək.