Ukrayna dronu Moskva ətrafında yaşayış binasına dəyib

Ukraynaya məxsus pilotsuz uçuş aparatı Moskva vilayətinin Krasnoqorsk şəhərində çoxmərtəbəli yaşayış binasına çırpılıb, rusiyalı KİV-lər bazar ertəsi məlumat verib.

Hadisə nəticəsində binada yanğın başlayıb və 100-dən çox sakin təxliyə olunub. Yaralananlar barədə məlumat yoxdur.

Moskva meri Sergey Sobyanin bildirib ki, Rusiya hava hücumundan müdafiə sistemləri paytaxta doğru yönəlmiş iki Ukrayna dronunu vurub. Qəza yerlərində fövqəladə xidmətlər işləyir.

Dron təhlükəsi səbəbindən Vnukovo və Şeremetyevo hava limanlarında müvəqqəti olaraq “Kover” planı tətbiq olunub –  təyyarələrin eniş və qalxması dayandırılıb.

N.Təbrizli