İranın Qətərdəki ABŞ bazasına zərbəsi oyunun qaydalarını dəyişir -Asia Times

İranın Qətərdə yerləşən ABŞ hərbi bazasına raket hücumu bölgədə geosiyasi mənzərəni dəyişən məqam kimi qiymətləndirilir. Asia Times yazır ki, bu, Tehran tərəfindən Fars Körfəzi Əməkdaşlıq Şurasına üzv ölkədə ilk belə hücumdur.

Məqaləyə görə, bu hücum ABŞ-ın regiondakı hərbi mövcudluğunun artıq ev sahibi ölkələr üçün təhlükəsizlik təminatı anlamına gəlmədiyini göstərən “hədəfli və açıq xəbərdarlıq” olub.

İran rəsmiləri ABŞ və İsrailin addımlarının “qanuni hədəflərin dairəsini genişləndirdiyini” bəyan edib.

İran ordusu 23 iyun tarixində “Qələbə müjdəsi” adlı əməliyyat çərçivəsində Qətərə doğru altı, İraqa isə bir raket atıb.

Press TV-yə əsasən, üç raket ABŞ-ın Qətərdəki hərbi bazasına düşüb.

N.Təbrizli