Paşinyan bütün ermənilərin katolikosu üçün növbədənkənar seçkilər tələb edir

Ermənistanın baş naziri Nikol Paşinyan bütün ermənilərin katolikosu vəzifəsinə növbədənkənar seçkilərin keçirilməsinin vacibliyini bildirib. O, bu barədə sosial şəbəkələrdə paylaşım edib.

“Növbədənkənar seçkilər mütləq keçirilməlidir. Amma bu, bütün ermənilərin katolikosu üçün növbədənkənar seçkilər olmalıdır,” –  o qeyd edib.

Paşinyan mayın sonundan etibarən katolikos II Qaregin və Ermənistan Apostol Kilsəsinin rəhbərliyini tənqid edir, onları dini öhdəlikləri pozmaqda və siyasi fəaliyyətlə məşğul olmaqda ittiham edir.

O, II Qaregini vəzifəsini tərk etməyə çağırır.

Hökumət ilə kilsə arasında gərginlik arxiyepiskop Baqrat Qalstanyanın rəhbərlik etdiyi “Müqəddəs mübarizə” hərəkatının təşkil etdiyi etirazlardan sonra artıb.

Qalstanyan iyunun sonunda hakimiyyəti zorla ələ keçirməyə cəhddə ittiham olunaraq saxlanılıb.

Şirak yeparxiyasının rəhbəri arxiyepiskop Mikael Acapaxyan da konstitusiya quruluşunun devrilməsinə çağırışlarda ittiham olunaraq həbs edilib.

Ümumilikdə bu iş üzrə 15-dən çox şəxs saxlanılıb.

N.Təbrizli