İran hava məkanını açıb

İran hava məkanını açıb və əksər hava limanlarında fəaliyyətini bərpa edib.Bu barədə İranın Mülki Aviasiya Təşkilatı məlumat yayıb.

"Mehrabad və İmam Xomeyni adına hava limanları, eləcə də ölkənin şimal, şərq, qərb və cənub hava limanları yenidən fəaliyyətə başlayıb və bütün xidmətləri təqdim etməyə hazırdırlar", - məlumatda bildirilib.

İsfahan və Təbriz hava limanları istisna olmaqla, bütün hava limanlarında daxili və beynəlxalq uçuşlar saat 05:00-dan (Bakı vaxtı ilə 05:30) 18:00-a (18:30) qədər həyata keçiriləcək.