Rusiya Sumi vilayətinə pilotsuz zərbə endirib: 2 mülki şəxs həlak olub

Rusiya Silahlı Qüvvələri iyulun 6-da Ukraynanın Sumi vilayətində yerləşən Bititski starostluq dairəsinə dörd zərbə PUA-sı ilə hücum edib.

İlkin məlumatlara görə, bir nəfər ölüb, biri isə yaralanıb. Sonradan yerli hakimiyyət ölənlərin sayının iki nəfərə çatdığını açıqlayıb. Həlak olanların hər ikisi mülki kişi olub.

Sumi vilayət hərbi administrasiyasının rəhbəri Oleq Qriqorov bildirib ki, Rusiya həmin ərazini gün ərzində raket, bomba və dronlarla fasiləsiz atəşə tutub.

“Bu, mülki əhaliyə qarşı terror aktıdır,” –  o qeyd edib.

Sumi şəhər hərbi administrasiyasının rəhbəri Sergey Krivoşeyenko isə bildirib ki, hücum nəticəsində 25 fərdi ev zərər görüb, onlardan beşi tamamilə dağılıb.

Yanğınsöndürmə işləri davam edir, dağıntılar altında insanların qalma ehtimalı var.

N.Təbrizli