Aİ Rusiyaya "ən sərt" sanksiyaları tətbiq etmək niyyətindədir

Avropa İttifaqı son üç ildə Rusiyaya qarşı sanksiyaların “ən sərt” paketini hazırlayır.Bu barədə Fransanın xarici işlər naziri Jan-Noel Barrot bildirib.

"Aİ ABŞ senatorları ilə səylərini əlaqələndirərək, Fransa təklifləri əsasında son üç ilin ən sərt sanksiyalarını tətbiq etməyə hazırlaşır", - nazir qeyd edib.

Onun sözlərinə görə, sanksiyalar Rusiyanın neft gəlirlərinə, bu ölkənin maliyyə oyunçularına və Rusiyaya məhdudlaşdırıcı tədbirlərdən yan keçməyə kömək edən digər ölkələrdəki vasitəçilərə təsir edəcək.

Barro əlavə edib ki, sanksiyalar Rusiyanın Ukraynaya qarşı hərbi əməliyyatlarını davam etdirməsinə mane olmalıdır.