Ermənistan parlamenti müxalif deputatın toxunulmazlığını ləğv edib

Ermənistan Milli Məclisi “Ermənistan” müxalifət fraksiyasının üzvü Artur Sarkisyanın deputat toxunulmazlığını aradan qaldırmaq barədə qərar qəbul edib.

Yerlı KİV-lərin məlumatına görə, Baş prokurorun təqdimatını 62 deputat dəstəkləyib, əleyhinə səs verən olmayıb. Müxalifət səsvermədə iştirak etməyib.

Sarkisyan daha əvvəl arxiyepiskop Baqrat Qalstanyanın həbsinə səbəb olan “hakimiyyətin zorla ələ keçirilməsi və terror aktına hazırlıq” işi çərçivəsində istintaqa cəlb edilə bilər.

Prokurorluğun növbəti addımı onun həbsi ilə bağlı vəsatət təqdim etmək olacaq.

N.Təbrizli