Yaponiyanın baş naziri istefa verib

Yaponiya Baş naziri Şigeru İşiba parlamentin yuxarı palatasına keçirilən seçkilərdə hakim koalisiyanın məğlubiyyətinə görə iyulun sonunadək istefa verəcəyini açıqlamağı planlaşdırır. Bu barədə “Yomiuri” və digər yerli media orqanları məlumat yayıb.

Mənbələrə görə, İşiba seçki nəticələrinə görə siyasi məsuliyyəti öz üzərinə götürmək niyyətindədir. Seçkilər iyulun 20-də keçirilib və nəticələrə əsasən, hakim Liberal Demokrat Partiyası (LDP) və onun müttəfiqləri parlamentin yuxarı palatasında çoxluğu itirib.

Yomiuri qəzetinin yazdığına görə, İşiba çərşənbə axşamı ABŞ-la ticarət razılaşmasının yekun mərhələsini başa çatdırdıqdan sonra istefa niyyəti barədə yaxın çevrəsinə məlumat verib. Saziş Yapon avtomobilləri və ehtiyat hissələrinə tətbiq olunan idxal tariflərinin azaldılmasını nəzərdə tutur.

Baş nazirin vəzifəyə başlamasından yalnız bir il sonra postunu tərk etməsi LDP daxilində yeni liderin seçilməsini sürətləndirəcək.

İşibanın seçkilərin nəticələrini müzakirə etmək üçün çərşənbə günü partiya rəhbərliyi ilə görüşəcəyi gözlənilir.

Aytac