Əkrəm İmamoğlu həbsxanadan xəstəxanaya aparılıb

İstanbul Böyükşəhər Bələdiyyəsinin sabiq sədri Əkrəm İmamoğlu dörd aydır saxlandığı Silivri Həbsxanasından bel ağrısı şikayəti ilə xəstəxanaya aparılıb. Bu barədə “Sözcü” qəzeti məlumat yayıb.

Tibbi müayinələrdən sonra İmamoğlu yenidən həbsxanaya qaytarılıb. Onun səhhəti ilə bağlı əlavə məlumat açıqlanmayıb.

Əkrəm İmamoğlu 2024-cü il yanvarın 20-də İstanbul baş prokuroru Akın Gürlek və onun ailəsi ilə bağlı səsləndirdiyi ifadələrə görə “vəzifəsinə görə dövlət məmurunu açıq şəkildə təhqir etmək”, “təhdid etmək” və “terrorla mübarizədə əməyi olan şəxsləri hədəfə almaq” maddələri ilə ittiham olunmuşdu.

Məhkəmə onu A. Gürlekə yönəlik fikirləri səbəbilə 1 il 8 ay azadlıqdan məhrum edib. Digər – “terrorla mübarizədə əməyi olan şəxsləri hədəfə almaq” ittihamı üzrə isə bəraət verilib.