Hindistanın dövlət neft emalı zavodları Rusiya neftinin alışını dayandırıb – Reuters

Hindistanın dövlətə məxsus neft emalı şirkətləri – Indian Oil Corp, Hindustan Petroleum, Bharat Petroleum və Mangalore Refinery – ABŞ-ın sabiq prezidenti Donald Trampın Rusiya neftinə endirimlərin azaldılması və Moskva ilə əməkdaşlıq edən ölkələrə 100% tarif tətbiq olunacağına dair bəyanatları fonunda Rusiyadan neft alışını dayandırıb. Bu barədə Reuters məlumat yayıb.

Sözügedən dövlət zavodları neft tədarükünü Qərbi Afrika və Yaxın Şərq ölkələrindən təmin etməyə başlayıblar. Hindistanın xam neft emalı gücünün 60%-dən çoxunu təşkil edən bu dövlət müəssisələri dəyişiklik nəticəsində yeni tədarük mənbələrinə yönəlib.

Buna baxmayaraq, özəl şirkətlər – Reliance Industries və Nayara Energy – Rusiya neftinin əsas alıcıları olaraq qalırlar.

Gülnar