Sentyabrın 1-də 52 cinayətin üstü açılıb

Sentyabrın 1-də ölkə ərazisində qeydə alınan 34 yeni və əvvəlki dövrlərdən bağlı qalan 18 cinayətin açılması Daxili İşlər Nazirliyinin (DİN) əməkdaşları tərəfindən təmin edilib. Bu barədə məlumatı DİN-in mətbuat xidməti yayıb. 

Hesabata əsasən:

Axtarışda olan ümumilikdə 60 nəfər saxlanılıb;

Onlardan 37-si borclu şəxs qismində,

4 nəfər isə dələduzluq ittihamı ilə axtarışda olub.

Cinayət törətməkdə şübhəli bilinən 32 nəfər tutulub.

Narkotiklərlə əlaqəli 10 fakt və qanunsuz saxlanılan silah-sursatla bağlı 9 fakt müəyyən edilib.

Həmçinin, ailə üzvlərinin xəbəri olmadan yaşadığı ünvanı tərk etdiyi üçün itkin düşmüş kimi axtarışı aparılan 5 nəfər tapılaraq müvafiq qurumlara təhvil verilib.

Gülnar