Biləsuvarda yol qəzası baş verib - Ölən və xəsarət alanlar var

Biləsuvar rayonunda ağır yol-nəqliyyat hadisəsi baş verib.

“Qafqazinfo”nun məlumatına görə, hadisə Bakı-Astara magistralının rayonun Xırmandalı kəndindən keçən hissəsində qeydə alınıb.

İki minik və bir yük maşını toqquşub.

İlkin məlumata görə, qəzada bir nəfər ölüb,3 nəfər isə müxtəlif dərəcəli bədən xəsarətləri alıb.

Xəsarət alanlar Cəlilabad rayonunun Uzuntəpə kəndinin sakinləri 2002-ci il təvəllüdlü Həmidov Əlvan Şəfi oğlu, 2002-ci təvəllüdlü Xanverdiyev Elmin Şaban oğlu və 2000-ci il təvəllüdlü Cəfərov Nəsib Bahadur oğludur.