2025-ci i ilin yanvar-avqust aylarında İqtisadiyyat Nazirliyi yanında Dövlət Vergi Xidməti xətti ilə dövlət büdcəsinə 11 milyard 561,1 milyon manat vergi daxil olub. Proqnoz 105,4% yerinə yetirilib.
Ötən ilin eyni dövrü ilə müqayisədə vergi daxilolmaları 333,6 milyon manat və ya 3,0% artıb. Xidmət planı 592,1 milyon manat artıq icra edib.
Qeyri-neft sektoru üzrə daxilolmalar artıb
Qeyri-neft-qaz sektorundan vergi daxilolmaları 8 milyard 434,6 milyon manat təşkil edib, bu da proqnozun 103,0%-lik icrasını göstərir. Sektor üzrə illik artım 690,4 milyon manat və ya 8,9% olub.
Ümumi vergi daxilolmalarının 73,0%-i qeyri-neft-qaz sektorunun, 27,0%-i isə neft-qaz sektorunun payına düşüb.
Sosial sığorta daxilolmaları 12,2% artıb
Məcburi dövlət sosial sığorta haqları üzrə daxilolmalar 4 milyard 180,4 milyon manat olub. Bu göstərici 2024-cü ilin eyni dövrü ilə müqayisədə 455,8 milyon manat və ya 12,2% artıma bərabərdir.
Qeyri-büdcə təşkilatlarından daxilolmalar 13,2% artaraq 2 milyard 788,5 milyon manat təşkil edib.
İşsizlik və tibbi sığorta haqları da artıb
İşsizlikdən sığorta haqları üzrə daxilolmalar 148,2 milyon manat olub – bu, illik müqayisədə 11,0% artım deməkdir. Qeyri-büdcə sektorundan bu mənbə üzrə daxilolmalar 113,2 milyon manat təşkil edib (artım 12,3%).
İcbari tibbi sığorta haqları üzrə daxilolmalar 10,3% artaraq 727,6 milyon manata çatıb. Qeyri-büdcə təşkilatları üzrə bu göstərici 515,0 milyon manat olub (artım 10,0%).
Gülnar
Foto 
Video 
