Azərbaycan-Ermənistan rəsmiləri arasında növbəti görüş keçirilib

Sentyabrın 5-də Azərbaycan və Ermənistanın baş nazirlərinin müavinləri – Şahin Mustafayev və Mher Qriqoryan rəhbərliyindəki nümayəndə heyətləri qarşılıqlı səfərlər çərçivəsində həm Azərbaycanın, həm də Ermənistanın ərazilərində görüş keçiriblər.

Görüşlərdə bu ilin avqustun 8-də Vaşinqtonda əldə olunmuş razılaşmalar əsasında kommunikasiyaların qurulması, sərhəd xəttinin müvafiq sahələrinin delimitasiyası, minalardan təmizlənməsi və zəruri infrastrukturun bərpası ilə bağlı icra müddətlərinin sinxronlaşdırılması məsələləri müzakirə edilib.

Həmçinin, hər iki rəhbər dövlət sərhədinin delimitasiyası və sərhəd təhlükəsizliyi sahəsində fəaliyyət göstərən komissiyaların növbəti iclaslarının təşkili barədə fikir mübadiləsi aparıblar.