Zəngəzur dəhlizi Türk dünyasını daha da birləşdirəcək - Rafael Hüseynov

Zəngəzur dəhlizinin açılması yalnız Azərbaycan və Ermənistan münasibətlərinə deyil, bütün Türk dünyasına yeni strateji imkanlar yaradacaq. Bunu Milli Məclisin deputatı Rafael Hüseynov bildirib. 

Onun sözlərinə görə, dəhliz Naxçıvandan Türkiyəyə, oradan isə Mərkəzi Asiyaya uzanaraq Türk dövlətlərini vahid iqtisadi və siyasi məkan daxilində daha sıx birləşdirəcək. 

“Bu yol bir şah damar kimi Türk dünyasını qovuşduracaq, qarşılıqlı iqtisadi maraqların möhkəmlənməsinə, dövlətlər arasında əlaqələrin güclənməsinə xidmət edəcək,” —  Hüseynov vurğulayıb.

Deputat qeyd edib ki, yeni nəqliyyat və kommunikasiya xətləri region ölkələrini bir-birinə daha yaxın edəcək, həm iqtisadi, həm də siyasi baxımdan Cənubi Qafqazın rolunu artıracaq.

N.Təbrizli