Daxili qoşunlara polis səlahiyyətləri verilə bilər – Yeni qanun layihəsi

 “Azərbaycan Respublikasının daxili qoşunları haqqında” qanun layihəsinə əsasən, daxili qoşunlar polis orqanları ilə birgə fəaliyyət göstərdikdə, onlara “Polis haqqında” qanunla müəyyən olunmuş vəzifələr şamil ediləcək.

Layihəyə əsasən, daxili qoşunlar aşağıdakı hallarda digər dövlət orqanları ilə qarşılıqlı əlaqədə fəaliyyət göstərəcək:

İctimai asayişin və təhlükəsizliyin qorunması,kütləvi tədbirlər zamanı qaydanın təmin olunması,qanunsuz silahlı birləşmələrin, terrorçu qrupların zərərsizləşdirilməsi,dini ekstremizm və xüsusi əməliyyat rejiminə nəzarət.

Bundan əlavə, daxili qoşunlar mühafizə etdiyi obyektlərə hücumların dəf edilməsi və qanunsuz daxil olmuş şəxslərin tutulmasında iştirak edəcək.

Eyni zamanda, layihə daxili qoşunların:

Cəzaçəkmə müəssisələrində iğtişaşların qarşısının alınması,girovların azad edilməsi,zəbt olunmuş binaların və nəqliyyat vasitələrinin azad edilməsini də nəzərdə tutur.

Qanun layihəsi Milli Məclisin Müdafiə, təhlükəsizlik və korrupsiya ilə mübarizə komitəsinin payız sessiyasının ilk iclasında müzakirəyə çıxarılıb. 

Gülnar Nazimqızı