80 mindən çox müəllim sertifikasiya prosesinə cəlb olunub

Azərbaycanda müəllimlərin sertifikatlaşdırılması prosesi üzrə 2022–2025-ci illərdə keçirilən imtahanlarda 80 mindən çox pedaqoq iştirak edib.  Bunu elm və təhsil naziri Emin Əmrullayev jurnalistlər üçün keçirilən mətbuat konfrasında deyir.

"İbtidai sinif, Azərbaycan dili və ədəbiyyat, riyaziyyat və xarici dil fənləri üzrə sertifikatlaşdırma prosesi tam yekunlaşıb.
İbtidai sinif üzrə 31,852, Azərbaycan dili və ədəbiyyat üzrə 9,892, riyaziyyat üzrə 8,807, xarici dil üzrə isə 13,957 müəllim imtahandan keçib.Hazırda biologiya (3,544 nəfər), kimya (2,572 nəfər), fizika (3,629 nəfər), coğrafiya (3,487 nəfər) və informatika (3,432 nəfər) müəllimləri ilə bağlı sertifikatlaşdırmanın ikinci mərhələsi davam edir",- nazir bildirib.

Nazir vurğulayıb ki, məqsəd müəllimlərin peşəkarlıq səviyyəsini artırmaq və ümumi təhsil sistemində keyfiyyət göstəricilərini yüksəltməkdir.

Gülnar Nazimqızı