Azərbaycan və Avropa İttifaqı enerji əməkdaşlığında yeni mərhələyə qədəm qoyacaq

Azərbaycan ilə Avropa İttifaqı arasında enerji sahəsində əməkdaşlıq son illərdə sürətlə inkişaf edir. Bunu  Azərbaycanın Xarici İşlər Naziri Ceyhun Bayramov deyib.

"Qaz təchizatı istiqamətində fəaliyyət göstərən 14 ölkədən 10-u Avropa dövlətləridir və onların 8-i Qərbi Avropa İttifaqına daxildir. Bu sahədə tərəflər arasında uzunmüddətli və strateji əməkdaşlıq formalaşıb", nazir bildirib.

Bayramov vurğulayıb ki, son illər ərzində yaşıl enerji sahəsində həyata keçirilən layihələr ölkələr arasında əməkdaşlığın əsas istiqamətlərindən birinə çevrilib.

"Yaşıl elektrik enerjisinin istehsalı və ötürülməsi üzrə görülən işlər nəticəsində Azərbaycan Gürcüstan ərazisindən keçməklə, Qara dənizin dibi vasitəsilə Rumıniya və daha sonra Macarıstana enerji ixracını planlaşdırır. Layihə regionun enerji təhlükəsizliyinin möhkəmləndirilməsinə mühüm töhfə verəcək", nazir əlavə edib.

Aytac Zeynalova