Rusiya Azərbaycanın rus dilinə olan diqqətini dəyərləndirir -Natalia Kuvşinova

Rusiya Azərbaycanla BRİKS parlament forması çərçivəsində əməkdaşlığı dəstəkləyir və burada müştərək maraqlar mövcuddur. Bunu Rusiya Federal Məclisinin Federasiya Şurasının üzvü Natalia Kuvşinova "Konstitusiya müasir dünyada dövlətlərin müstəqilliyinin və suverenliyinin təməli kimi" mövzusuna həsr olunan konfransda bildirib.

O əlavə edib ki, Rusiya Azərbaycanın əsas xarici ticarət tərəfdaşıdır və rus dilinə diqqətli yanaşmasını yüksək qiymətləndirir.

“Rus dili orta və ali təhsildə önəmli yer tutur. Lomonosov Universitetinin filialları fəaliyyət göstərir, on minlərlə azərbaycanlı Rusiyada təhsil alır. Bunlar iki ölkə arasındakı tarixi əlaqələri zənginləşdirir,” – Kuvşinova deyib.

Gülnar Nazimqızı