Daxili marjinal qruplar Azərbaycan iqtisadiyyatındakı islahatlara kölgə salmağa cəhd edir - Deputat

Azərbaycanın son illərdə həyata keçirdiyi iqtisadi islahatlara qarşı bəzi daxili marjinal siyasi qruplar sosial şəbəkələrdə əsassız iddialar səsləndirir və ictimai rəyi manipulyasiya etməyə çalışırlar. Bunu oktyabrın 31də keçirilən Milli Məclisin iclasında deputat Vüqar Bayramov deyib.

Deputat qeyd edib ki, Azərbaycanın iqtisadi inkişafını üç mərhələdə qiymətləndirmək mümkündür. Onun sözlərinə görə, müstəqilliyin ilk illərində, xüsusilə AXC–Müsavat hakimiyyəti dövründə ölkə iqtisadiyyatı dərin böhranla üzləşmiş, sənaye və kənd təsərrüfatı istehsalı 2,7 dəfə azalmışdı.

Bayramov əlavə edib ki, 1993–2003-cü illərdə ümummilli lider Heydər Əliyevin rəhbərliyi ilə iqtisadi tənəzzülün qarşısı alınıb və inkişaf mərhələsinə keçid təmin edilib. “1996–2002-ci illərdə ÜDM 71 faiz, kənd təsərrüfatı 40,3 faiz, nəqliyyat və rabitə sektoru 4,2 dəfə, tikinti 5 dəfə, ticarət isə 1,9 dəfə artıb. Bu göstəricilər iqtisadiyyatın sağlamlaşmasının sübutudur,” – deputat vurğulayıb.

Gülnar Nazimqızı