FHN: Ötən həftə 192 yanğına çıxış olub, 33 nəfər xilas edilib

Azərbaycan Fövqəladə Hallar Nazirliyi (FHN) ötən həftə ərzində 192 yanğına çıxış həyata keçirib.

Nazirlikdən bildirilib ki, “112” qaynar xəttinə daxil olan zənglər əsasında FHN-in müvafiq qurumları tərəfindən 27 halda köməksiz vəziyyətdə qalma, 4 avtonəqliyyat qəzası və 2 intihara cəhd faktı üzrə də qəza-xilasetmə əməliyyatları aparılıb. 

Görülən təcili və təxirəsalınmaz tədbirlər nəticəsində yanğınların operativ söndürülməsi və insanların həyatının xilas edilməsi təmin edilib.

Ümumilikdə, ötən həftə ərzində 10-u azyaşlı olmaqla 33 nəfər xilas edilib, 2-si azyaşlı olmaqla 15 nəfər təxliyə olunub, 4 nəfər xəsarət alıb, 7 nəfərin meyiti aidiyyəti üzrə təhvil verilib.

Aytac