Füzulidə Zəfər Gününə həsr olunmuş tədbirlər atəşfəşanlıqla başa çatıb

2023-cü ildə Böyük Qayıdış proqramı çərçivəsində sakinlərin geri döndüyü ilk şəhərlərdən biri olan Füzuli bu il Zəfər Gününü öz doğma sakinləri ilə birlikdə qeyd edib.

AZƏRTAC-ın məlumatına görə, erməni işğalı zamanı dağıdılmış şəhər indi yenidən dirçəlir və həyatın canlandığı məkana çevrilib.

Füzulidə gün ərzində “Zəfərin mübarək, Azərbaycan” adlı konsert, Kurmanqazı Uşaq Yaradıcılıq Mərkəzində şagirdlərin əl işlərindən ibarət sərgi, həmçinin “Zəfər günü uşaqların gözü ilə” ustad dərsləri və “Zəfər salnaməsi” adlı filmin nümayişi keçirilib.