Birinci uşaq rəqs festivalı başa çatıb

Bakıda Azərbaycan İncəsənət Məktəbinin təşəbbüsü ilə, Elm və Təhsil Nazirliyi və Mədəniyyət Nazirliyinin tabeliyində olan Mədəni və Yaradıcı Sənayelərin İnkişaf Mərkəzinin dəstəyi ilə təşkil olunan “1-ci Uşaq Rəqs Festivalı” yekunlaşıb.

Festival uşaqların yaradıcılığını, rəqs mədəniyyətinə marağını və kollektiv fəaliyyət bacarıqlarını təşviq etməyi hədəfləyirdi. 

Bu il tədbirə 28 komanda qeydiyyatdan keçib, onlardan 23-ü aktiv iştirakçı, 5-i isə qonaq qrup kimi çıxış edib.

 Komandalar milli və müasir rəqslərdən ibarət proqramla çıxış edərək tamaşaçılara müxtəlif nömrələr təqdim ediblər.

Festivalın sonunda komandalar arasında müxtəlif nominasiyalar üzrə qaliblər seçilib və onlara sertifikatlar, diplomlar və mükafatlar verilib.

6–9 yaş kateqoriyası üzrə qaliblər:
• I yer – 3 nömrəli Gənclər Uşaq İnkişaf Mərkəzi
• II yer – İnci Sənət Akademiyası
• III yer – İnci Sənət Akademiyası
10–14 yaş kateqoriyası üzrə qaliblər:
• I yer – 3 nömrəli Gənclər Uşaq İnkişaf Mərkəzi
• II yer – 4 nömrəli Gənclər Uşaq İnkişaf Mərkəzi
• III yer – Nərgiz Rəqs Qrupu

Təşkilatçılar bildiriblər ki, festivalın gələcək illərdə daha geniş miqyasda keçirilməsi və ənənəvi tədbirə çevrilməsi planlaşdırılır.