Əzizə Mustafazadənin doğum günüdür – FOTO

Bu gün Əzizə Mustafazadənin doğum günüdür.ANN.Az xəbər verir ki, Əzizə Mustafazadə - dünyada Aziza Mustafa Zadeh olaraq tanınan məşhur azərbaycanlı pianoçu, bəstəkar və caz ifaçısı 1969-cu il dekabrın 19-da Bakıda anadan olub.O, Azərbaycan musiqisində ilk dəfə muğam ilə caz musiqisini birləşdirən Vaqif Mustafazadənin qızıdır.Valideynləri Əzizənin musiqiyə qarşı həssaslığını o, hələ səkkiz aylıq ikən hiss ediblər.İlk dəfə səhnəyə hələ üç yaşında ikən atası ilə birlikdə bədahətən mahnılar ifa edərək çıxıb. Klassik piano təhsilinə kiçik yaşlarında başlayıb. İohan Sebastian Bax və Frederik Şopen kimi bəstəkarların əsərlərinə xüsusi maraq göstərib.17 yaşında Vaşinqton şəhərində Teloyenus Monk adına piano müsabiqəsində birincilik almağında onun caz-muğam musiqisi çox böyük rol oynayıb. Elə həmin vaxtlarda Əzizə anası ilə Almaniyaya köçüb.Əzizə ilk albomunu 1991-ci ildə Aziza Mustafa Zadeh adı ilə çıxarıb. İkinci albomu “Always” (“Həmişə”) ona yüksək Alman musiqi mükafatı sayılan Səs-Akademiyası Mükafatını və Soninin Exo Mükafatını qazandırıb. O, bir çox ölkədə caz və ənənəvi üslublarda gözəl nümunələr ifa edib və bir çox albomlar çıxarıb. Sonuncu çıxan albomu “Contrasts”-dır (2006).Əzizə 2007-ci ilin iyununda Bakı Caz Festivalı üçün Azərbaycana gəlib. Bu müddət ərzində Opera və Balet Teatrında konsert verib. Festivalın sonunda açıq hava altında, Yaşıl Teatrdakı konsertdə giriş ifasını yerinə yetirib. Həmin konsertdə “Shamans”-ın çox möhtəşəm bir ifasını nümayiş etdirib.Ə.Mustafazadənin 5-ci albomunun adı, “Jazziza” (“Cazziza”), atasının uşaq ikən ona verdiyi ləqəbidir. Onun atasına ithaf etdiyi çoxlu musiqiləri vardır.ANN.Az