Tokayev Azərbaycan və Ermənistan arasında sülh müqaviləsinin tezliklə imzalanacağına ümid edir

Qazaxıstan prezidenti Kasım-Jomart Tokayev Azərbaycan və Ermənistan arasında sülh müqaviləsinin ən qısa müddətdə imzalanacağına ümid edir.

Tokayev bu barədə Aşqabadda keçirilən “Beynəlxalq Sülh və Etimad İli 2025” forumunda çıxışı zamanı danışıb.

O, avqustda iki ölkə arasında bəyannamənin imzalanmasını tarixi əhəmiyyət daşıyan hadisə adlandırıb və bunun Cənubi Qafqazda, həmçinin regiondan kənarda çoxtərəfli əməkdaşlıq üçün geniş perspektivlər açdığını vurğulayıb.

“Azərbaycan və Ermənistan tərəfindən birgə sülh bəyannaməsinin imzalanması tarixi əhəmiyyət kəsb edir və regionda, həmçinin onun hüdudlarından kənarda çoxtərəfli əməkdaşlıq üçün geniş perspektivlər açır. Biz Cənubi Qafqazda sabitliyi təmin edən hərtərəfli sülh müqaviləsinin tezliklə bağlanmasına ümid edirik”, – Tokayev deyib.

O əlavə edib ki, Qazaxıstan həmçinin Yaxın Şərqdə sülh sazişlərinin imzalanmasını alqışlayır və respublikanın İbrahim Sazişlərinə qoşulmaq qərarının regionda sülhün sabitləşdirilməsinə və möhkəmləndirilməsinə əhəmiyyətli töhfə verəcəyinə ümid edir.

Gülnar