Prezident Əliyev Avstraliya Baş nazirinə Sidneydəki terror aktı ilə bağlı başsağlığı verib

Azərbaycan Prezidenti İlham Əliyev Avstraliya İttifaqının Baş naziri Entoni Albanizə Sidneydə Hanuka bayramı ilə əlaqədar keçirilən mərasim zamanı törədilmiş terror aktı ilə bağlı başsağlığı məktubu ünvanlayıb.

Məktubda terror aktı nəticəsində çox sayda insanın həlak olması və yaralanmasının dərin sarsıntı ilə qarşılandığı qeyd olunur. Prezident Əliyev dinc insanlara qarşı yönəlmiş bu əməli qətiyyətlə pislədiyini vurğulayaraq, terrorizmin bütün təzahürlərini rədd etdiyini bildirib.

Məktubda dövlət başçısı həlak olanların ailələrinə və yaxınlarına, eləcə də Avstraliya xalqına öz adından və Azərbaycan xalqı adından dərin hüznlə başsağlığı, xəsarət alanlara isə şəfa diləyib.