Rusiya Bakıda “Rus evi”nin fəaliyyətə başlaması üçün səylərini davam etdirir

Rusiya Bakıda “Rus evi”nin fəaliyyətinin bərpası üçün Azərbaycan tərəfi ilə təmasları davam etdirir, Rusiya Xarici İşlər Nazirliyinin MDB ölkələri üzrə dördüncü departamentinin direktoru Mixail Kaluqin bildirib.

Kaluqinin sözlərinə görə, Moskva Rusiya və Azərbaycanın xarici siyasət qurumları arasında münasibətlərin bütün gündəliyi üzrə, o cümlədən humanitar sahədə dialoqu davam etdirmək niyyətindədir.

O bildirib ki, Rusiya tərəfi Bakıda “Rus evi”nin tezliklə fəaliyyətə başlaması üçün qarşılıqlı məqbul həll yollarının tapılmasına çalışır.

Kaluqinin sözlərinə görə, bu mərkəz əvvəllər iki ölkənin “dost xalqları arasında əlaqələrin möhkəmlənməsinə mühüm töhfə verib”.

N.Təbrizli