İlham Əliyev MDB-nin Sankt-Peterburqdakı qeyri-rəsmi sammitində iştirak etməyəcək

 Azərbaycan Prezidenti İlham Əliyev iş qrafikinin sıxlığı səbəbindən bu gün Sankt-Peterburqda keçirilən MDB dövlət başçılarının qeyri-rəsmi Zirvə görüşünə qatılmayacaq. Bu barədə Prezident Administrasiyası məlumat yayıb.

Administrasiya həmçinin bildirib ki, dövlət başçısının dekabrın 21-də keçirilən Ali Avrasiya İqtisadi Şurasının iclasında iştirak etməməsi Azərbaycanın Avrasiya İqtisadi İttifaqının (Aİİ) üzvü olmaması ilə bağlıdır.

Rəsmi Bakı qeyri-rəsmi görüşdə iştirak etməsə də, MDB çərçivəsində əməkdaşlığa sadiqliyini təsdiqləyib və Azərbaycanın qurumun rəsmi sammitlərində mütəmadi təmsil olunduğunu vurğulayıb. 

Prezident İlham Əliyev bu ilin oktyabrında Düşənbədə keçirilən MDB Dövlət Başçıları Şurasının iclasında iştirak edib.

N.Təbrizli